ആയുർവേദം (ഭാരതീയ ചികിത്സാ വകുപ്പ്)

പൊതുജനാരോഗ്യ സംരക്ഷത്തില്‍ പരമ്പരാഗത ചികിത്സാ സമ്പ്രദായത്തിനുള്ള പങ്ക് നിസ്തുലമാണ്. ലോക ജനസംഖ്യയില്‍ ഭൂരിപക്ഷവും ഇന്നും പരമ്പരാഗത ചികിത്സാ സമ്പ്രദായങ്ങളെ ആശ്രയിക്കുന്നവരാണെന്നാണ് കണക്കുകള്‍ സൂചിപ്പിക്കുന്നത്. പരമ്പരാഗത ചികിത്സാ സമ്പ്രദായത്തെ ആയുര്‍വേദം, സിദ്ധ, യുനാനി, യോഗ, പ്രകൃതിചികിത്സ എന്നിങ്ങനെ വേര്‍തിരിച്ച ഭാരതത്തിലെ ആദ്യ സംസ്ഥാനം കേരളമാണ്.

കാഴ്ചപ്പാട്

ഭാരതീയ ചികിത്സാ സമ്പ്രദായങ്ങളിലൂടെ സമഗ്രവും ചിലവ് കുറഞ്ഞതും ഫലവത്തായതുമായ രോഗി പരിചരണം.

ദൌത്യം

1. പാര്‍ശ്വ ഫലങ്ങളേതുമില്ലാത്ത പരമ്പരാഗത ചികിത്സാ രീതികളിലൂടെയും രോഗ പ്രതിരോധ പ്രവര്‍ത്തനങ്ങള് വഴിയും പൊതുജനാരോഗ്യ സംരക്ഷണം.
2. ഒന്നാം ഘട്ടത്തിലും, രണ്ടാം ഘട്ടത്തിലും, രണ്ടാം ഘട്ടത്തിന് ശേഷവുമുള്ള ആരോഗ്യ പ്രവര്‍ത്തനങ്ങളിലൂടെ നിലവാരം ഉയര്‍ത്തുക.

ഭരണ നിര്‍വ്വഹണം

ആയുഷ് സെക്രട്ടറി തലവനായി ആയുഷ് കേരള വകുപ്പിന് കീഴില്‍ ഭാരതീയ ചികിത്സാ വകുപ്പ് പ്രവര്‍ത്തിക്കുന്നു. ഭാരതീയ ചികിത്സാ വകുപ്പിന്‍റെ നിയന്ത്രണവും ഭരണ നിര്‍വ്വഹണവും ഭാരതീയ ചികിത്സാ വകുപ്പ് ഡയറക്ടറില്‍ നിക്ഷിപ്തമായിരിക്കുന്നു. പതിനാല് ജില്ലകളിലേയും ഭരണ നിര്‍വ്വഹണ പ്രവര്‍ത്തനങ്ങളെ നിയന്ത്രിക്കുന്നതിന് 14 ജില്ലാ മെഡിക്കല്‍ ആഫീസര്‍മാരെ നിയമിച്ചിട്ടുണ്ട്. കൂടാതെ ഭരണ നിര്‍വ്വഹണത്തിന് ഭാരതീയ ചികിത്സാ വകുപ്പ് ഡയറക്ടറെ സഹായിക്കുന്നതിന് അഡ്മിനിസ്ട്രേറ്റീവ് ആഫീസര്‍, അക്കൌണ്ട്സ് ആഫീസര്‍, അഡ്മിനിസ്ട്രേറ്റീവ് അസിസ്റ്റന്‍റ് എന്നി ഉദ്യോഗസ്ഥരുമുണ്ട്.

ജില്ലാതല ഘടന

ഭാരതീയ ചികിത്സാ വകുപ്പ് ഇടുക്കി ജില്ലാ മെഡിക്കല്‍ ആഫീസിന് കീഴില്‍ 67 സ്ഥാപനങ്ങള് പ്രവര്‍ത്തിക്കുന്നു.
സ്ഥാപന വിവരങ്ങള്‍ ചുവടെ ചേര്‍ത്തുകൊള്ളുന്നു.

1. ഗവ.ആയുര്‍വേദ ആശുപത്രികള്‍ – 3
2. ഗവ.ആയുര്‍വേദ ഡിസ്പെന്‍സറികള്‍ – 45
3. ഗവ.ആയുര്‍വേദ ട്രൈബല്‍ ഡിസ്പെന്‍സറികള്‍ – 5
4. ഗവ. സിദ്ധ ഡിസ്പെന്‍സറി – 1
5. എന്‍.എച്ച്.എം. ഡിസ്പെന്‍സറി – 10
6. എന്‍.എച്ച്.എം സിദ്ധ ഡിസ്പെന്‍സറി – 3

ഭാരതീയ ചികിത്സാ വകുപ്പിന് കീഴില്‍ നടപ്പിലാക്കി വരുന്ന പ്രധാന പദ്ധതികള് താഴെ പറയുന്നവയാണ്.

1. മാതൃവന്ദനം – ഗര്‍ഭിണികളുടേയും നവജാത ശിശുക്കളുടേയും ആരോഗ്യ സംരക്ഷണം. പഞ്ചായത്ത് തലത്തില്‍ നടത്തുന്ന പദ്ധതി
2. പ്രസാദം സ്കുള്‍ ഹെല്‍‍ത്ത് – കുട്ടികളില്‍ കാണുന്ന വിളര്‍ച്ചാ രോഗം – മേഖലാതലത്തില്‍ നടത്തുന്ന പദ്ധതി.
3. ദൃഷ്ടി പദ്ധതി.- ജില്ലാ ആയുര്‍വേദ ആശുപത്രി തൊടുപുഴ കേന്ദ്രികൃതമായി നടത്തി വരുന്നു.
4. മാനസികം – ജില്ലാ ആയുര്‍വേദ ആശുപത്രി തൊടുപുഴ കേന്ദ്രികൃതമായി നടത്തി വരുന്നു.
5. ആയുഷ്യം -ഗവ.ആയുര്‍വേദ ആശുപത്രി കല്ലാര്‍ കേന്ദ്രികൃതമായി നടത്തി വരുന്നു.
6. കൌമാരഭൃത്യം – – ഗവ.ആയുര്‍വേദ ആശുപത്രി കല്ലാര്‍ കേന്ദ്രികൃതമായി നടത്തി വരുന്നു.
7. ജെറിയാട്രിക് കെയര്‍ – ജില്ലാ ആയുര്‍വേദ ആശുപത്രി അനക്സ് പാറേമാവ് കേന്ദ്രികൃതമായി നടത്തി വരുന്നു.
8. പ്രസൂതി തന്ത്രം- ജില്ലാ ആയുര്‍വേദ ആശുപത്രി തൊടുപുഴ കേന്ദ്രികൃതമായി നടത്തി വരുന്നു.
9. സ്പോട്സ് ആയൂര്‍വേദ – ജില്ലാ ആയുര്‍വേദ ആശുപത്രി തൊടുപുഴ കേന്ദ്രികൃതമായി നടത്തി വരുന്നു.
10. യോഗ വെല്‍നസ് – ജില്ലാ ആയുര്‍വേദ ആശുപത്രി തൊടുപുഴ കേന്ദ്രികൃതമായി നടത്തി വരുന്നു.
11. കരള്‍രോഗ മുക്തി – ജില്ലാ ആയുര്‍വേദ ആശുപത്രി തൊടുപുഴ, ജില്ലാ ആയുര്‍വേദ ആശുപത്രി അനക്സ് പാറേമാവ്, ഗവ.ആയുര്‍വേദ ആശുപത്രി കല്ലാര്‍ എന്നീ ആശുപത്രികള്‍ കേന്ദ്രികൃതമായി നടത്തി വരുന്നു.
12. ക്ഷാരസൂത്ര – ജില്ലാ ആയുര്‍വേദ ആശുപത്രി തൊടുപുഴ കേന്ദ്രികൃതമായി നടത്തി വരുന്നു.
13. പാലിയേറ്റിവ് പരിചരണം (സ്നേഹധാര)- ജില്ലാ ആയുര്‍വേദ ആശുപത്രി അനക്സ് പാറേമാവ് കേന്ദ്രികൃതമായി നടത്തി വരുന്നു.